鄺俊宇郭榮鏗手語發言 睇得明冇？
[2017.01.12] 發表
【明報專訊】立法會大會噚日辯論街工梁耀忠提出嘅爭取手語成為香港官方語言動議，唔少立法會議員即場「指手劃腳」，試下用手語發言。唔知民主黨鄺俊宇係咪平時跳舞跳得多，手語動作都特別誇張。佢喺發言嗰陣話，手語需要更多推廣，身體殘障唔應該局限夢想，更用手語打出「爭取手語成為官方語言」嘅手勢。公民黨郭榮鏗就喺發言一開場連續打咗3次手勢，不過主席同在場議員都唔明佢講乜。郭榮鏗之後解釋，係用手語提出規程問題，話若果有聾健人士選咗入立法會做代議士，係咪能夠充分履行《基本法》賦予職能。
不過立法會最後喺分組點票下，否決咗呢個動議。勞福局長張建宗總結時話，本港現時仲未演化出一套通用手語，現階段應該將推廣基礎手語當做首要工作，令容易學習嘅手語同常用詞彙普及化。
更多港聞
【明報專訊】民建聯前立法會議員葉國謙重返立法會！阿謙噚日因為去立法會開黨團會議，所以順便去議事廳外同記者打招呼。阿謙最近都被影到分別去曾俊華...
詳情
【明報專訊】家長管教方法或與教師有出入，致兩者未能通力合作教導孩子。大埔浸信會社會服務處總經理鄭繼池說，曾有家長嫌麻煩不願意替女兒把校裙改長...
詳情
相關新聞
