【明報專訊】政府昨日公布競爭事務委員會任命，已經做咗5年主席嘅胡紅玉繼續獲委任做主席，政府仲委任咗9個新委員，包括卸任咗財經事務及庫務局長、重返科大執教嘅陳家強。 政府噚日宣布再度委任胡紅玉做競委會主席，今年5月1號生效，任期兩年。胡紅玉喺2013年出任競委會首任主席，2016年續任，如果再完成兩年任期，做競委會主席嘅時間就會去到7年，打破公職人員一般唔多過6年嘅慣例。 除咗主席，政府仲公布咗其餘14名委員嘅名單，包括5名現任委員，同埋9名新委員，Emily喺新委員名單入面，發現已經卸任咗財經事務及庫務局長嘅陳家強。𠵱家喺科大做兼任教授嘅陳家強，之前接受團結香港基金訪問時形容自己卸任後「無官一身輕」，因為多咗時間做運動而體重輕咗，今次做番公職，唔知會唔會太忙而發福呢？
|
| |
| |
;)
