【明報專訊】陳慧琳(Kelly)前晚於旺角麥花臣場館舉行音樂會，她穿上紫灰色露肩透視晚裝出場，獻唱《尾站天國》揭開序幕。Kelly聲色藝俱全，引來台下尖叫，她一口氣連唱了7首國、粵語新歌，回後台換了粉紅色連身長裙，跳唱輕快歌《打字機》後，又再火速變裝，以黑色星星印花晚裝亮相，她笑言火速換衫再創新紀錄﹕「我無諗過來麥花臣做騷，都好似做紅館騷這樣忙，好認真，之前換衫要1分30秒(90秒)，今日1分20秒(80秒)搞掂，好快呀，是個迷你紅館騷！」

性格親民的陳慧琳(Kelly)，除了順應觀眾點唱《我會掛念你》，又邀請多名粉絲上台聊天，並合唱《紀念日》。「安哥」部分她本以自選的《為自己作證》作結，但粉絲未肯離場，最後成功呼喚偶像出台二度「安哥」。

觀眾唔肯走 兩度「安哥」

Kelly問觀眾﹕「大家真的不走，太早呀？呢度太方便？我無歌�倠{，就當唱K啦。」她唱完《最佳位置》，台下又呼歡大叫，令Kelly心軟道﹕「好啦，唱多最後一首啦，要聽就紅館再見喇！」當她唱《最愛演唱會》時，還走到台邊跟粉絲握手，又安撫粉絲道﹕「好啦，要走喇，好遠呀，要搭車、搭船。」

盼紅館開騷不用等到50歲

45歲Kelly完騷後接受訪問，表示第一次到旺角開騷好好玩，她說﹕「我都住這區，過來場館只需5分鐘，不怕塞車，好方便，仲可以著街坊裝過來，兩個仔都有來睇綵排。」對於粉絲反應熱烈，Kelly稱是意料中事﹕「我已經好耐無開騷，都估到大家不夠喉，之前準備多兩首歌，最後真的有需要唱。對上一次開紅館騷已是2015年慶祝入行20周年，等我儲多一些新歌，考慮入行25周年再去紅館，希望不用等到50歲。」

陪老公兒子遊埠放暑假

Kelly笑言之前在家練歌，兩個仔被迫聽到幾乎嘔，如今完成演出，終於可以陪兒子、老公放暑假﹕「會帶他們遊埠，去主題樂園玩，不用再聽阿媽唱歌啦！大仔好鍾意玩過山車，我想都要陪他玩幾次，到時他們玩到癲，我就曬到�I。」

記者﹕鍾一虹

攝影﹕鍾偉茵

■更多娛樂猛料 ﹕ol.mingpao.com