【明報專訊】盧宛茵(Madam)前晚自掏腰包宴請《BB來了》的演員及幕後人員食飯，黎諾懿、高海寧、姚嘉妮等出席。Madam說﹕「最重要大家畀面，有些請都請不到。好開心，好多年無遇過一套劇這麼成功，拍得我好開心，好有滿足感。」她大讚劇本寫得好，每個角色都有發揮，很有挑戰性。

對於網民力推Madam問鼎「最佳女配角」？她說：「我不太識上網睇意見，多謝大家支持，獎項看天意，上次入圍都好多年前，大家一於投我票啦！」姚嘉妮的長腿同樣成為網民的焦點，她澄清並沒有42吋長腿，反而憶起拍攝時正值嚴寒，凍得連面部表情都不太控制到。

黎諾懿想搵齊「允豬」慶功

黎諾懿稱Madam要請食飯，不敢跟她爭，他說﹕「珠姐(陳秀珠)又話要請，我同李佳芯就當然守尾門，我想大結局的時候，邀請劇中飾演『允豬』的所有BB小演員一齊慶功，感激他們父母借出BB拍攝。」諾懿指最細的「允豬」只得15日大，現時已經半歲，最大都快一歲半了。問到會否帶囝囝小春雞出來結識女仔？他說﹕「其實這幾次宣傳都好想帶他出來，但我又開緊另一部劇，加上帶他出來好大陣仗，老婆比較嚴謹，怕人多地方多病菌。(老婆好似劇中李佳芯咁緊張？)對，有時放工返去想抱個仔，她會叫我洗手消毒先，有時都覺得幾煩。」黎諾懿又補鑊指太太緊張都是為囝囝好，囝囝病倒只會辛苦自己，絕對贊成太太的謹慎。

高海寧預告再有激情戲

高海寧稱難得放假，無論去睇牙、整指甲或購物，人人都討論《BB來了》的劇情，大家都好有共鳴。她透露劇中與黃長興再有激情戲。被問到尺度？她笑說﹕「我忘記了。(蓋上被踢兩腳就懷孕？)應該是，可能連踢兩腳都不用。」

記者﹕楊安莉

攝影﹕鍾偉茵

■更多娛樂猛料 ﹕ol.mingpao.com