十年的臉
[2019.01.18] 發表
【明報專訊】網上近日掀起「十年挑戰(10 years challenge)」熱潮，網民紛紛上載自己10年前同現時嘅相片到社交平台，對比下個樣有無變，順便懷舊。無論建制派、民主派以至官員亦緊跟潮流，有人10年前仲係中學生，有人就越級挑戰貼出近40年前嘅相，由有頭髮變成光頭。
新民黨容海恩貼出2008年嘅相與舊年結婚相做對比，話「十年人事幾番新，活出精彩每一天」，網民就覺得佢都幾大變化，當然有人讚佢靚咗。因宣誓被DQ嘅游蕙禎上載10年前著紅色格仔衫嘅相，有網民留言「邊位呀」、「女大十八變」等。
香港眾志常委羅冠聰貼出當年讀中四嘅相，由無戴眼鏡變成「四眼仔」，佢形容自己由10年前嘅無憂，到現時會「過慮」，由「一直躲避鏡頭的害羞男」，變成有責任要承擔，希望下個10年思緒更澄明，路途更開闊。工聯會何啟明就被職員貼相，睇落佢變化唔大，只係肥咗少少，佢嘅小編形容係「出賣老細系列」，又笑言佢下個10年要食防腐劑。
政制及內地事務局長聶德權話10年前做緊社署署長，經常探訪社會上需要關懷同支援嘅人，10年後工作崗位改變，但關懷不變。Emily覺得聶德權10年嚟個樣無咩變，好似10年前皺紋比現時多𠻹。環境局長黃錦星則貼出1980年郊遊相片，最大變化當然係頭髮由有變無，局長貼相之餘亦宣傳環保，話以前郊遊已自備水壺。
更多港聞
【明報專訊】勞福局長羅致光（CK）鍾意游渡海泳，做咗局長都繼續有落水，佢噚日向立法會議員區諾軒「挑機」，叫對方下年參加，區軒就輸賭，如果政府...
詳情
傳統名校中一收表升 部分17爭1 面試問會否坐關愛座
【明報專訊】9月入學的升中自行收生昨截止申請，新學年中一人口增加，全港近九成中學「復位」，中一級學額多4至5個。傳統名校競爭仍然激烈，大部分... 詳情
相關新聞
