【Emily】激光猛射 太空館回覆「無損毁」
[2019.08.22] 發表
【明報專訊】浸大學生會會長方仲賢月初去鴨寮街買激光筆(又稱觀星筆)畀警察拉，之後好多市民湧去尖沙嘴太空館外「觀星」，齊齊用激光射向太空館個「菠蘿包」，話要測試吓到底係咪真係如警方所講咁具破壞力。有facebook專頁就透露，有市民電郵太空館查詢佢哋外牆狀况，點知太空館又真係回信喎，話仔細檢查過館內外設施，「事件中沒有造成任何財物損壞」。Emily向當局查詢，獲確認封電郵係太空館發出嘅。
話說fb專頁「傑出關公災難」出post，話有市民8月7日晚上電郵太空館查詢外牆狀况，太空館其後回應話，當晚有唔少市民去太空館外嘅公眾地方聚集，利用「發光裝置」照射外牆，有關活動於凌晨結束；第二日早上仔細檢查館內外設施，無任何財物損壞，亦無影響公眾服務咁話。
更多港聞
【明報專訊】面對人口老化，前衛生福利及食物局長、中大公共衛生學院講座教授楊永強又有新搞作，就係推動跨代共融。學院喺馬會支持下同3間社福機構合...
詳情
【Emily】憂擾亂金融中心 張華峰倡規管「亂提款」
【明報專訊】反修例運動遍地開花，示威者用唔同方法要政府回應訴求，包括從經濟方面入手，想去癱瘓銀行體系，好似撳錢、將港紙轉成外幣、取消中資銀行... 詳情相關新聞
