【Emily】復課無期 區議員要幫街坊印功課
[2020.03.24] 發表
【明報專訊】新型冠狀病毒疫情持續，學校仍然停課，唔少人在家工作；區議員就繼續忙到踢晒腳，除咗一貫開區議會會議、處理地區個案之外，佢哋一直要撲口罩、酒精搓手液等防疫用品，隨時留意區內確診個案、衛生狀况，𠵱家原來連功課都要幫手印埋。
話說特首林鄭月娥早前話，中小學4月20日復課機會「已經冇咩可能」；深水埗區議會主席楊彧就同Emily提到，唔少學生雖然停課，但功課都要繼續做。不過，未必個個街坊屋企都有打印機，咁點算好？阿彧話，近日街坊關注事項除咗口罩之外，佢嘅辦事處電腦都連住各間學校嘅內聯網網站，不時要幫手印功課畀街坊仔女做。唔知一眾小朋友會唔會因為要做功課，而唔鍾意阿彧呢？
更多港聞
相關新聞
