【Emily】香港政研會聯署 撐警隊逐和平獎
[2020.09.19] 發表
【明報專訊】前刑事檢控專員江樂士日前喺內地官媒《中國日報》撰文，讚賞警隊過去多月工作專業，回復社會穩定，仲話無人比警隊更適合獲頒諾貝爾和平獎。江樂士話口未完，建制團體「香港政研會」就發起聯署，支持提名警隊競逐諾貝爾和平獎，立法會議員何君堯噚日都喺facebook轉載網上聯署鏈結。
兼競爭央視「感動中國」特別獎
香港政研噚日發起全民聯署，支持提名警隊競逐諾貝爾和平獎，同埋中央電視台2020年度「感動中國」團體特別獎。Emily入過聯署網站睇，除咗要答係咪支持警隊競逐兩個獎項，仲要填自己嘅名同嚟自邊度，網站列咗唔同選項，除咗「香港市民」，仲可以揀「內地同胞」、「澳門市民」、「台灣市民」或者「國外華僑」，睇嚟聯署開放畀各地華人參與。
諾獎提名人不包政治團體
睇番諾貝爾獎官網，要合資格先做到諾貝爾和平獎嘅提名人，合資格嘅包括國家元首、政府官員、內閣成員、國會議員，或歷屆和平獎得主等，所以唔係人人都可以提名。公民黨立法會議員楊岳橋都喺facebook附上何君堯支持提名嘅新聞連結，講番提名人嘅資格資料，仲加咗個#hashtag「你邊位」。
更多港聞
【Emily】泛珠三角合作會議 林鄭不忘感謝中央
【明報專訊】2020年泛珠三角區域合作行政首長聯席會議噚日喺海南省三亞市召開，特首林鄭月娥話要處理本港疫情防控工作，同官員留港以視像會議形式... 詳情
【Emily】接受劉慧卿網台訪問 梁君彥：對行政立法關係無咩期望
【明報專訊】立法會主席梁君彥噚日接受民主黨前主席劉慧卿網台訪問，被問到行政立法關係係咪低處未算低，梁君彥話喺呢個時候都冇咩期望，但希望大家都... 詳情相關新聞
