【Emily】為隔離師生開Zoom 筲官打氣台點歌傾偈
[2021.02.17] 發表
【明報專訊】筲箕灣官立中學約130名學生及16名老師農曆新年前被送往檢疫，到今日仍在隔離。校方之前送咗零食、防疫物資畀學生，噚日校長高永泰話，佢哋由年三十(上周四)起，每晚9點半至10半都約學生睇特備Zoom節目《筲官打氣台》，當中讀出家長、校友及老師等人嘅打氣說話及點歌，並邀請嘉賓分享電影、減壓等各類話題，希望學生知道有校方陪伴。
高校長又同Emily講，一直有社工、輔導老師留意學生情緒，佢哋隔離期間都無咩問題，校方亦有學業支援，譬如有Zoom堂同提供學習材料。師生即將完成隔離，高校長話全校下周二就放完新年假，按教育局指引全校三分之一學生可以回校，佢話中六學生到時都要返去考埋模擬試(Mock)，主要係選修科考試，人數較少，學校會做好防疫，都唔特別擔心。
更多港聞
【Emily】財庫局sell「智方便」 副局：報稅都用得
【明報專訊】政府早前推出「智方便」平台，一個帳號可以用多項政府網上服務。財經事務及庫務局長許正宇、副局長陳浩濂同埋政助葉俊廉噚日齊齊下載「智... 詳情
相關新聞
