【Emily】阿尹團隊續開街站 幫街坊登記消費券
[2021.07.07] 發表
【明報專訊】民主派立選初選案，多名前議員仍還押，包括民主黨尹兆堅。阿尹嘅地區工作團隊仍然好有心，話阿尹從政多年，石蔭係佢嘅成長地，阿尹成日記掛區內街坊。團隊前日於是去到石蔭，拉起阿尹牌頭嘅直幡開街站，幫助街坊登記電子消費券。
義務幫手 市民打氣送暖
阿尹嘅facebook小編出post話，喺阿尹宣布辭任後，尹兆堅團隊絕大部分成員已另謀高就，但團隊各成員嘅心仍連在一起，就算無人工，每次阿尹上庭應訊、擺街站、發單張、搬運物資，只要阿尹有需要幫忙嘅地方，大家一通電話，團隊都會擠出時間做義工，話要傳承阿尹服務市民嘅精神。
小編又話，開街站時，舊街坊見到阿尹團隊紛紛前來問候，又關心阿尹嘅身體狀况、獄中生活，話街坊都叮囑團隊要小心、平安。街訪亦慰問團隊成員，例如「你瘦咗啊？𠵱家做嘢好辛苦？」等。小編話呢4小時填表工作，佢哋反而得到心靈飽足。
更多港聞
【明報專訊】特首林鄭月娥噚日宣布，任內最後一份《施政報告》會喺10月6日發表，解釋今屆立法會運作到10月底，而新一屆立法會就喺明年1月成立，...
詳情
【明報專訊】香港人嘅童年回憶、海洋公園3個極具標誌性嘅機動遊戲——「極速之旅」（跳樓機）、「滑浪飛船」同埋「越礦飛車」，將於8月31日後退役...
詳情
【Emily】環團「大支嘢」請願 倡膠樽按金最少1蚊
【明報專訊】環境問題大家都好關心，多個環團聯合行動，噚日喺政總外豎起「大支嘢」膠樽請願，要求環保署推行生產者責任法規，採納國際行之有效嘅按樽... 詳情
相關新聞
