【Emily】鄧家彪派血壓計谷針 搵埋夏蕙姨撐場
[2021.09.27] 發表
【明報專訊】政府近期落力谷長者去打新冠病毒疫苗，建制派團體都幫手，工聯會鄧家彪今日(周一)就借用彩雲邨嘅社區會堂，安排承辦商到場幫邨內長者、街坊打針。政府早排做外展打針服務，使出派米、派超市現金券招數吸引老友記打針，但阿彪話，用現金利誘長者打針未必係最好，長者都係關注健康問題，所以今次佢派發嘅「獎品」係電子血壓計，畀長者打針後可以睇住血壓，唔使咁擔心。
阿彪話，今次接種安排反應唔錯，有約200人預先登記，佢獲善心機構支持，送贈100部血壓計做禮品，即唔係人人可以攞到，故可能要用抽籤等方法送贈。佢仲話搵到一批長者熟悉嘅藝人到場幫手呼籲，包括黃夏蕙、劉錫賢等，話佢哋都敢打針，對長者都有說服力。
更多港聞
高中改革釋課時 中學教認識國家 教局倡增OLE至總課時一成以上
【明報專訊】本學年起中四4個核心科目改革，釋放部分課時，教育局早前鼓勵學校讓學生讀多一個選修科目；或投放予「其他學習經歷」（OLE），建議O... 詳情
【明報專訊】識別有精神健康問題、有自殺風險的學生，師生和家長都有「守門人」角色。教育局教育心理學家李頴怡昨日在網上專欄「局中人語」撰文，稱高...
詳情
相關新聞
