團體帶錯字橫額示威馬斐森變「馬婓深」
[2015.08.01] 發表
【明報專訊】團體「珍惜群組」同「和平論壇」約40個成員噚日一早走去港大示威，抗議學生喺星期二晚衝入校委會會議，話要批評港大校長馬斐森「嚴重失職」，要問責下台。
Emily睇佢哋啲錯字橫額，真係忍唔住笑出嚟。最明顯係港大校長「馬斐森」寫成「馬婓深」，唔知嘅仲以為係另一個真係姓馬嘅朋友。
其他橫額上嘅標語都有唔少錯處，例如「禁錮校委會」寫成「禁固」等。話學生「腳踢」校委個「腳」字，又寫咗做簡體字「脚」。Emily心諗，如果用呢啲字嚟教育下一代，或者會教壞學生。
Emily問珍惜群組聯絡人李小姐，佢話「馬校長」係個外國人，中文名冇特定嘅，只係拼音，用近音都無問題喎。但馬斐森應該就唔係姓馬，叫「馬校長」似乎有啲怪囉。
更多港聞
【明報專訊】已退出民主黨嘅黃成智，今日會拖男帶女去台北，不過就唔係散心，而係同一班核心成員討論下成立「第三路線」新平台嘅論述，成智話喎，想利...
詳情
【明報專訊】政府新聞處喺facebook專頁上載一張招聘啟示，話9月聘請俗稱AO嘅政務主任和行政主任等職位，原本都係提供資訊，應該無乜風險，...
詳情
相關新聞
