【明報專訊】翟凱泰(泰臣)慶祝40歲生日，前晚在灣仔的卡拉OK房大搞扮�洉ㄨ鵅A他披上長髮、閃片大褸配魚網絲襪扮成「張國榮、郭富城混合體」登場，老友楊思敏(蝦頭)和經理人男友邵子風就扮成謝安琪和麥浚龍在《羅生門》MV造型，邵子風更備噴水壺向女友噴水，製造濕身效果，突顯露出4吋事業線的蝦頭身材，噴血指數爆燈。席上蝦頭明益壽星仔，向泰臣送抱和獻吻。到賀嘉賓尚有黃秋生、方力申、「酋長Look」葉山豪、「波斯人Look」周俊偉等，氣氛熱鬧。

「一向禾稈�R珍珠」

蝦頭罕有曬36C身材被讚有料到，她笑說﹕「我一向禾稈�R珍珠，既然今日扮�炴N去盡一點，已做晒防走光措施。」她表示與男友花了半天打扮，原本自己還想模仿謝安琪穿高�Z鞋，可惜遭到抗議，惟有著平底鞋配襯男友。

秋生﹕我咁叻唔見我紅

秋生帶來香檳贈泰臣，逗留10分鐘就離開，笑言身體不適不能飲酒，並以普通話指自己患了「妻管嚴」無得醫，又說﹕「現在我手心冒汗、心跳加速，不過返到屋企就無事。」對於陳國邦捱過15年都無主角做決意離巢無�芋A秋生不感出奇﹕「多年來都人來人往，這些命水、機遇、公司政策，我咁叻，都唔見我紅，影帝又點，周街影帝，不值錢！」

10月10日生日的泰臣為了遷就朋友而押後一晚慶祝，他於派對上載歌載舞時。談到生日願望，他希望身體健康和繼續「大揪」﹕「今年聖誕會在中環開幾場『大揪騷』，到時會表演歌舞，我扮�洇磥W癮，若果今晚朋友反應好，可能擺埋上台分享給觀眾看。」

記者﹕鍾一虹

攝影﹕鍾偉茵

■更多娛樂猛料 ﹕ol.mingpao.com