[昔日明報]
【明報專訊】經民聯上個月提出讓2000萬名持有電子護照嘅內地人可以透過網上申請嚟香港，簽注由內地公安簽發，仲未成功爭取到。佢哋亦好積極跟進，噚日經民聯副主席林健鋒(左三)，聯同旅遊、飲食界等代表，去搵商務及經濟發展局長蘇錦樑，再建議將呢個計劃先開放畀49個自由行城市，然後先擴展去其他城市。
除咗自由行，佢哋亦有向蘇局長建議吓有乜嘢方法可以刺激市道，優質旅遊服務協會主席郭少明(左一)就話正構思舉行類似「開心着數大行動」，話想透過廣泛提供消費購物折扣優惠，吸引多啲優質旅客嚟香港玩。
;){kind=small}
