【明報專訊】現代女性要兼顧工作同家庭，好容易忽略自己甚至性生活。有性用品品牌就委託國際機構，調查香港女性對性生活嘅滿意度，喺上月13至22日以網上問卷訪問500個22至49歲嘅香港女性。93％受訪者認同性滿足對健康有利，近九成人覺得性滿足提升個人魅力，不過得53％受訪者滿意性生活。 唔滿意者 29%話因缺私人空間 調查顯示，當問到點解不滿意性生活，29%受訪女性就話係源於缺乏私人空間，唔通又同「土地問題」有關？專業性治療師何慕詩同Emily講，唔少人居住環境細，婚後同屋企人住，或者有仔女，好難二人世界。 另外，六成受訪女性話工作或者做家務疲勞，引致唔滿意性生活，41%嘅人就不滿伴侶。 何慕詩話，女性性慾成日被社會忽略，提醒女性唔好壓抑性慾，而性滿足令身體分泌安多芬，令人保持正面。
|
| |
| |
