深水埗「棚仔」要拆 梁美芬話想幫布販
[2015.12.22] 發表
【明報專訊】深水埗欽州街臨時小販市場由1978年開業至今，係唔少街坊同設計系學生購買價廉物美布料嘅必到之處，不過呢個有近40年歷史、俗稱「棚仔」嘅布市場，將會被政府清拆，收番嘅土地會要嚟起樓，檔販年底要離開。
經民聯立法會議員梁美芬喺星期日到訪「棚仔」，佢喺facebook話，此行係去體會老香港生活文化，「走過漆黑陝(狹)窄的走道，兩旁樹(豎)着一疊疊七彩繽紛的布料，有綣(絹)質的、有碎花通透的、有暗花閃亮的」，佢又同商戶有傾有講，「在棚仔長期擺攤超過三十年的東叔、何生還在工作，為的是盼望一個生存空間」。梁美芬同Emily講，覺得布販嘅安置需要妥當照顧，所以會幫檔販約見食環署，睇吓有乜辦法可以幫到佢哋。
更多港聞
【明報專訊】香港大學經歷校委會風波，校委會主席職位懸空，而港大校友關注組近期流傳，話有校友收到風，特首梁振英（CY） 堅持己見，會喺聖誕節前...
詳情
相關新聞
