【明報專訊】十八鄉鄉事委員會主席梁福元向來重養生，平時食開有機菜，飲健康茶。佢噚日喺自己過萬呎村屋搞新年團拜，就以自家種嘅新鮮士多啤梨、番薯等健康食品宴客，不過，最大來頭嘅係大家飲緊嘅花茶。梁福元介紹，呢個金花茶品種稀有，對降血糖、降血壓、降血脂好有效。有行家上網一查先發現，原來呢個金花茶屬國家一級保護植物，仲有「植物界大熊貓」之稱，認真矜貴！梁福元都話喺內地呢個茶花都被炒熱，有時市價賣到5蚊一朵。 梁福元唔使擔心賣斷市，皆因佢後花園就種咗兩棵，夏天可以摘葉冲嚟飲，冬天就飲花茶，連佢老友上水鄉委會主席侯志強都「眼紅」，笑言要「劈走搬返屋企」。梁福元笑言，自己過去20幾年幫鄉議局打江山，準備退休畀後生仔接班後，就種吓花花草草。
|
| |
| |
;){kind=small}
