第一屆呂志和獎頒獎
[2016.10.04] 發表
【明報專訊】由嘉華國際主席呂志和創立嘅「呂志和獎—世界文明獎」噚日舉行第一屆頒獎禮，一共頒咗3個獎，包括「持續發展獎」、「人類福祉獎」同埋「正能量獎」，每個得獎者除咗可以得到獎座同證書，獎金仲高達2000萬港元 。
大會話每屆都會頒出上述3個固定獎，但為與時並進，每屆都會為獎項訂立一個世人關注嘅範疇，嘉許促進世界文明嘅貢獻者。
袁隆平無國界醫生卡特獲獎
第一屆「持續發展獎」嘅關注範疇係「世界糧食供應」，得獎者係有雜交水稻之父之稱嘅袁隆平。雖然袁隆平喺1970年代已經培育出雜交水稻，但遴選小組認為佢嘅研發影響深遠，解決內地糧食短缺問題之餘，仲實現糧食安全，貢獻相當傑出。
人類福祉獎就由無國界醫生奪得。大會將福祉獎定喺醫治或控制疫症範疇，遴選小組讚揚無國界醫生喺處理海地霍亂同西非伊波拉病毒時，無懼疫症肆虐，繼續為當地人民提供醫療服務。至於正能量獎就定喺倡導積極正面人生觀範疇，得獎者係美國第39任總統卡特，佢喺卸任後成立嘅卡特中心，一直企喺前線維護人權、宣揚民主，遴選小組認為卡特努力令世界變得更好，為數百萬人帶嚟和平，綻放正能量畀世界各地人士。
下屆呂志和獎嘅3個關注範疇亦已公布，分別係預防氣候變化、脫貧同埋促進不同群組間和諧，得獎者花落誰家，一年後自有分曉。
更多港聞
國泰fanfares 4周年 商務位去韓國$4900
【明報專訊】唔少港人一有假期都會出外旅遊輕鬆吓，好希望搵到平機票。國泰同港龍航空推出嘅「fanfares」機票優惠，至今年已經係第4年，為咗... 詳情
【明報專訊】監警會噚日召開同警察投訴課嘅聯合公開會議討論多個議題，委員黃碧雲表現踴躍，成個會因為咁超時1個鐘，令副主席張華峯忍唔住罕有發言問...
詳情
【明報專訊】曾被視為立場親中嘅《成報》，上月起多次在頭版批評特首梁振英和中聯辦主任張曉明，引起社會關注，近日批評對象更擴至人大委員長張德江。...
詳情
歧視智障案 張超雄籲教局不上訴 家長：英語天賦平等 局方﹕正研判辭
【明報專訊】教育局拒絕向照顧智障生的香海正覺蓮社佛教普光學校批出外籍英語教師（NET），日前遭高院裁定其決定歧視及違反《基本法》。立法會議員... 詳情
相關新聞
