返足9年工冇放假 張建宗「好做得」
[2017.01.21] 發表
【明報專訊】現屆政府尚餘不足半年任期，新任政務司長張建宗有無興趣留任新一屆政府？張建宗話，無論下任特首人選係邊個，只要有人邀請佢加入管治團隊，「任何崗位我都唔介意，總之你畀到機會我發揮、貢獻到」，會毫不猶豫留任。現年66歲嘅張建宗又話，無期望建立形象，只想社會認同佢「好做得」，雖然本屆政府只有5個半月任期，仍要爭分奪秒，做好同下屆政府嘅交接。
打工仔最怕有開工無收工，但張建宗就唔喺咁話。出名勤力嘅佢之前做咗9年幾勞工及福利局長，未放過一日假，由於局長唔可以「以錢代假」，「每年22日(年假)送番晒畀政府」。至於平日幾點收工，佢直接話「我唔睇鐘」，落班返到屋企，食完晚飯就會繼續做，好彩太太肯諒解。
勞工界正爭取標準工時，司長係咪做咗壞榜樣？張建宗強調公私分明，自己還自己，為人群服務唔斤斤計較，一定爭取勞工權益，亦明白假期同作息重要。職工盟總幹事蒙兆達同Emily講，欣賞司長犧牲精神，但對僱員和僱主而言唔係好榜樣，建議佢在工作同生活之間取得平衡，又話擔心張建宗可能未能切身地感受到工友嘅苦處。
更多港聞
【明報專訊】
熱血公民鄭松泰去年喺立法會會議倒插國旗，內會噚日就相關譴責動議嘅調查委員會選出委員，不過民主派集體杯葛，結果7個委員全部...
詳情
【明報專訊】農曆新年就快到，唔少人都鍾意去林村許願樹為新一年祈福。香港林村許願節2017將於1月28日至2月12日舉行，仲新增咗唔少活動，好...
詳情
相關新聞
