財政司長身分寫網誌 陳茂波﹕每個崗位都有一種使命
[2017.01.23] 發表
【明報專訊】財政司長陳茂波噚日首次以司長身分發表網誌，以「全力以赴 謀劃未來」為題，指自己首要任務係籌備《財政預算案》，強調會靈活運用公共資源、回應不同階層需要，促進社會經濟發展。
佢話自己加入政府前，喺唔同崗位服務社會，一直「盡心盡力，努力貢獻」，形容每個崗位都「帶有一種使命，都是一份光榮」，佢話時刻提醒自己要保持謙卑嘅心、虛心聆聽意見，盡心盡力做好工作，唔好辜負市民對政府嘅期望。
陳茂波話，深信只要經濟發展得好，配合適當措施，就可以令各階層市民分享到經濟發展嘅成果，而自己作為財政司長，最重要係維持香港營商環境，令香港經濟可以多元持續發展，同保持政府財政穩健等。佢亦特別提到年輕人，話要令佢哋有更多優質就業選擇。
更多港聞
中一港史 中二中史 中三世史 梁季彝精簡教中史 免學生卻步
【明報專訊】教育局要求初中將中國歷史及世界歷史合併的學校（佔4.1%中學），須循序漸進達至以中史為主軸，類近中史獨立成科。聖公會梁季彜中學中... 詳情
相關新聞
