【明報專訊】民建聯中委、沙田區議員李世榮(圓圖)最近成為紅人，除�髐妨e入林鄭月娥競選辦助選外，最近又�鬘蟆O推薦人才名單上榜上有名，可謂民記「後起之秀」。而新界社團聯會(新社聯)噚日改選換屆，Emily都聽到李世榮成功「升呢」，從常務理事當選為副理事長，並兼任總幹事。

認有興趣入政府做政助

李世榮同Emily透露，�M家自己主要負責新社聯工作，其實呢段時間正思考緊退出民建聯，仲話可能最快今個月底就會有決定！李世榮解釋，呢一兩年覺得民記身分令工作有「掣肘」，例如無法太大聲批評政府，又話自己強項在於聯絡不同人，但係民記牌頭下，難以接觸到唔同光譜人士。佢承認未來有興趣加入政府做政助，例如民政事務局或發展局，希望利用自己�儱s界人脈，協助政府聯絡地區。

民記內部長期僧多粥少，今次李世榮想跳出�薄A都未嘗唔係新路數，反而可能為加入政府加分。