聽日太平清醮 海味店派平安「鮑」
[2017.05.02] 發表
【明報專訊】太平清醮聽日舉行，長洲太平清醮值理會噚日就喺長洲向唔同食肆派傳單，呼籲食肆遵守齋戒期，長洲鄉事委員會主席翁志明話，如果有商舖唔遵守傳統都「無佢符」。有值理會就聯同海味店，喺飄色巡遊期間派發200隻「平安『鮑』」嘅鮑魚模型(圖)，市民其後可以憑模型換取真鮑魚。
長洲大新街街坊會主席孔憲禮話，飄色巡遊時，會有一架飄色車不時派發鮑魚模型，寓意如意吉祥，金銀滿屋，市民其後可以去大新街值理會用模型換取真鮑魚。孔憲禮話佢哋無違反齋戒期，今次係喺完晒成個太平清醮先派真鮑魚。
值理會籲食肆守齋戒
翁志明就話，到時如果有商舖唔守齋戒，都「無佢符」、「費事同佢嘥氣」，因為無法律禁止啲人食肉，希望大家遵守傳統。
更多港聞
【明報專訊】有冇人同Emily一樣煩惱緊母親節及父親節帶至親去邊度威？海洋公園今年為吸客，喺5月6日及6月30日期間多個周末，搞母親節及父親...
詳情
【明報專訊】英國《金融時報》公布全球工商管理碩士課程金融業發展（MBA for Finance）排行榜，美國史丹福大學商學院排首位，其次是美...
詳情
【明報專訊】香港大學舉辦DreamCatchers 100K創業種子基金比賽，今年有104隊由港大學生及年輕校友領導的創業團隊參加，10隊勝...
詳情
相關新聞
