政制局：無計劃修改特首任期條文
[2018.05.02] 發表
【明報專訊】全國人大會議3月通過修改國家《憲法》，取消國家主席不能連任超過兩屆嘅規定。港府近日就財政預算案書面回覆議員查詢，公民黨郭家麒就關注，政府有無計劃修改《基本法》第46條、即係「香港特別行政區行政長官任期5年，可連任一次」嘅條文，以「符合國情」呢？政制及內地事務局明確回應，話「本局沒有任何計劃修改基本法第46條」。
近期建制派以至中央官員都發表唔少關於基本法23條立法嘅言論，特首林鄭月娥上月初曾提及港府要「認真思考」幾時落實23條。公民黨陳淑莊詢問政制局，喺2018/19年度有無預留人手同開支，進行為23條立法嘅研究工作，包括準備做公眾諮詢等，局方回應話「沒有預留人手和開支進行為基本法第23條立法的研究工作」。
更多港聞
【明報專訊】想穿上太空衣，一嘗做太空人嘅滋味，中學生又有機會了！第10屆「少年太空人體驗營」由噚日開始至5月31日，接受全港中學提名學生參加...
詳情
相關新聞
