一人分飾幾角 張建宗鍾意同自己踢波
[2018.07.19] 發表
【明報專訊】政務司長張建宗噚日應青年協會邀請出席書展活動，同一眾青年人一齊行書展。喺分享環節，張建宗除咗講閱讀，更分享做運動心得，除咗行山、跳繩外，佢話好鍾意「自己同自己踢波」，仲可以一個人分飾幾角。
踢埋牆 再接番
張建宗話，好似踢12碼咁將個波大力踢向牆，波反彈時自己再做「龍門」接番，呢個玩法有充足運動量。
張建宗可以話係一個「狂人」，佢過去曾經講過返工「有得打呔就興奮」，係「工作狂」；佢噚日再自爆係「新聞狂」，好鍾意睇新聞同儲剪報，但就被太太話太多剪報會搞到有蟻，又唔明既然有電子新聞，點解仲要剪報。張建宗笑稱，鍾意報紙發黃嘅書卷味，「開卷有益，書卷味就係咁解」。
張建宗以前講過，過去廿年每日會睇十幾份報紙，從無間斷，仲話自己放假都會四圍跑去買齊報紙。
更多港聞
【明報專訊】目前公屋輪候冊申請超過27萬宗，平均要等5.1年先有希望上樓，如果唔怕住凶宅，或者唔介意住啲不受歡迎單位，就不妨考慮申請「特快公...
詳情
相關新聞
