【Emily】政府澄清入境處長無罷工 曾國衛前日出院 提前返工
[2019.08.06] 發表
【明報專訊】反修例運動唔少信息來源都喺網上或Telegram群組，資訊真假有時好難分，政府似乎亦緊盯網上資訊，好似噚日凌晨1點44分就特別出一條稿，話網上有傳言指入境處長曾國衛(圖)噚日會休假以示罷工一事，係純屬謠傳；稱曾國衛上星期因病入院，周日下晝已出院，噚日上午正式上班。入境處重申同事會緊守崗位，全力支持政府施政，努力為市民提供最優質服務。
曾國衛噚日亦向入境處同事發信澄清，話網上謠傳佢會故意休假以示帶頭罷工，佢特別提到自己前日下晝先出院，透露本來醫生認為佢未完全好番，建議佢再休養幾日先返工，但佢考慮到𠵱家係關鍵時刻，決定提早返工，希望令謠傳不攻自破。
林鄭率8人見傳媒 其他局長唔使
另外，特首林鄭月娥噚日率領8個司局長會見傳媒，未有如上次記招咁班子齊人現身，好似律政司長鄭若驊、環境局長黃錦星等都唔見人，莫非官員都受不合作運動影響返唔到政府總部？特首辦回覆話，同特首一齊見記者嘅政務司長張建宗同財政司長陳茂波，分別就有人鼓吹罷工下公共服務嘅情况、香港經濟面對嘅風險發言；陪同出席嘅6個局長，負責主要嘅公共服務和經濟範疇，可按需要進一步補充。律政司長同其他幾名局長毋須出席。
■明報報料熱線﹕inews@mingpao.com / 9181 4676
更多港聞
【Emily】醫護戴黑口罩 瑪嘉烈兒科被指要記名
【明報專訊】反修例運動噚日發起罷工，緊守崗位嘅醫護就戴黑絲帶同黑口罩響應，Emily收到多個消息話瑪嘉烈醫院兒科有部門運作經理要戴黑口罩嘅同... 詳情
【Emily】PPRB余鎧均「多粒花」 一日咁多
【明報專訊】特首林鄭月娥周一宣布即日起每日都會有警方記者會，噚日首次記招就由近日頻頻出場嘅警察公共關係科（PPRB）署理總警司余鎧均主持。M... 詳情
【Emily】蔣麗芸出帖對林鄭「失望」 網民like爆：講人話
【明報專訊】特首林鄭月娥噚日見記者，唔少反修例市民都話睇完仲嬲；民建聯立法會議員蔣麗芸就喺facebook評論，話林太喺記招提出很多問題，「... 詳情
【明報專訊】噚日係JUPAS聯招結果公布大日子，之前唔少學系都宣布因反修例運動取消迎新營，但都有學系繼續搞，好似浸會大學傳理學會噚日喺fac...
詳情
相關新聞
