【Emily】補選嘥錢？ 周庭：DQ先嘥公帑
[2019.12.23] 發表
【明報專訊】終審法院拒絕就選舉呈請案件批出上訴許可，令泛民區諾軒同范國威即時喪失立法會議席，但明年9月就係立法會換屆選舉，政府會唔會就呢兩個議席補選，仍然係未知之數。港台節目《城市論壇》噚日就此討論，去年參選港島補選被DQ嘅香港眾志成員周庭就認為，政府必須補選。喺嗰次補選落敗嘅新民黨陳家珮就話當選議員可能只係得個幾月任期，但要花近1億公帑搞補選，亦要人力資源配合，係咪補選值得深思。
陳家珮：花近億 當選只做個幾月
周庭話取消補選先例一開，政府可以隨意取消議員資格，令唔同惡法先通過，然後先循司法解決議員資格問題。佢又認為，選舉呈請處理唔到選舉主任同政府濫權、隨意DQ嘅問題，政府DQ令民意代表消失而要搞補選，先係浪費公帑。
更多港聞
【明報專訊】建制派非常關注公務員有無參與反修例風波中嘅違法活動，輸咗區議會選舉嘅民建聯立法會議員周浩鼎（Holden）喺香港電台英文節目《L...
詳情
相關新聞
