【Emily】駐武漢辦主任：留守武漢至最後一班機
[2020.03.10] 發表
【明報專訊】政府早前安排4班包機接載滯留湖北嘅港人分批返港，駐武漢辦主任馮浩賢並無跟隨早幾日嘅包機返港，佢噚日凌晨喺facebook度話「作為武漢站站長，我仍然留守。除非我倒下了，否則我會盡力把所有人帶回來，然後才會坐最後一班機離開」，話等佢「見招拆招」多一陣。
馮浩賢形容，過去40幾日「實在是太太太太充實」，建立前線指揮部、接收超過2000個案、為「中招」港人撲醫院病牀、建立「千里派藥」嘅物流系統，以至協助香港方面策劃「散水行動」，甚至照顧同事嘅起居飲食，皆因超市同便利店都無開，更有同事被酒店趕走。馮浩賢特別向「家中的女領導致敬」，話「女領導」除咗堅持要佢注意衛生，無畀佢壓力，仲時常搵方法為佢打氣。
聶德權家中隔離 今赴病毒測試
而與確診者同機返港嘅政制及內地事務局長聶德權，就自行隔離，選擇留喺家中工作，佢喺facebook話，透過視像會議同政府總部、駐武漢辦嘅同事開會，總結今次接回港人行動同討論下一步部署。佢今日會接受港大病毒測試。
更多港聞
【明報專訊】早前確診嘅馬主周巧兒前日已康復出院，因同枱飲宴而被列為密切接觸者嘅「幫港出聲」發起人周融亦已經完成檢疫，離開翠雅山房。周融話檢疫...
詳情
【Emily】兩外賣平台加入「絕膠行動」 2025前棄非可持續包裝
【明報專訊】受新型冠狀病毒疫情影響，外賣需求急增，外賣速遞平台「戶戶送」（Deliveroo）及Foodpanda噚日簽署一項承諾，正式加入... 詳情
【明報專訊】民建聯立法會議員鄭泳舜（Vincent）上月飛到日本，支援身在「鑽石公主」號郵輪上嘅港人，喺當地逗留8日，返港後自我隔離14日，...
詳情
相關新聞
