【Emily】被圍後請病假 中西區會DO缺席會議
[2020.05.08] 發表
【明報專訊】中西區區議會政治及保安事務委員會早前被指職權、名稱不符區會職能，秘書處唔提供場地同秘書服務，眾區議員前日到民政處搵民政事務專員(DO)黃何詠詩，黃太幾個鐘都無出去見面，最終由警方護送走。噚日文化、教育、醫療、康樂及社會事務委員會會議，黃太請病假，區會主席鄭麗琼出post問候，祝佢早日康復。
議員動議譴責 助理拉隊走
委員會噚日會議由助理民政事務專員黃詩淇頂上，區議員任嘉兒會上動議譴責民政事務總署同黃何詠詩。另一區議員彭家浩話，黃詩淇以不同意議員動議內容為由，帶同秘書處處理文件、操作直播鏡頭嘅職員「全數拉隊走人」，但動議最終獲通過。
民政事務總署回應話，黃太因病假未能出席會議；又話對委員會臨時提出不屬職權範圍嘅動議事項有保留，臨時動議亦對民政事務總署、中西區民政處同民政事務專員作不實指控，政府不認同做法同動議立場，會上向議員闡述立場、勸喻議員暫緩通過動議再作研究但不果，之後就離席。
更多港聞
【Emily】泛民見記者 自由黨區議員話違限聚
【明報專訊】政府早前租用九龍城富豪東方酒店，安排機場抵港旅客留宿等候新冠病毒檢測結果，唔少區議員跟進，但就鬧出小風波。噚日九龍城區議會開會，... 詳情
【Emily】馬會擲1.5億抗逆 資助服務弱勢項目
【明報專訊】一方有難，百方支援，疫情唔止打擊企業同打工仔，仲有慈善機構同體育組織，香港賽馬會慈善信託基金決定撥款1.5億，成立「賽馬會社區持... 詳情
相關新聞
