【Emily】「娥姐」擬再戰立會 嘆難攞提名
[2021.07.20] 發表
【明報專訊】2016年立法會選舉起，新界東有選舉就會見到陳玉娥(娥姐)參選，Emily聽聞娥姐有意再戰12月嘅立法會選舉，並已開始尋求選委支持。娥姐噚日向Emily承認此事，佢強調原定上年舉行嘅立法會選舉時，佢已獲確認提名有效，「有啲嘢未完成，照常理我會繼續」。不過，娥姐話要喺選委會五大界別都拎到提名入閘，對佢呢類「冇背景、冇資源、冇人脈」嘅人特別難。
咁有冇覺得新選舉規則唔公平？娥姐話見仁見智，「我答到，不過我唔會講，今時唔同往日。有呢樣嘢，有前因先有後果，難話啱唔啱、公唔公平，我自己當然唔想有額外要求啦，但你有興趣玩就要適應遊戲規則」。
話拎提名嘥時間 「要同人傾吓偈」
娥姐形容，拎選委提名「真係好嘥我時間，搵人提名你，都要同人傾吓偈㗎嘛」，佢都係機緣巧合咁見到有機會做到選委嘅人，所以向對方「拉票」，但對方話未知自己係咪選委，暫時未有人話畀提名佢。
直選選區重劃，娥姐形容「𠵱家啲區分到好似豆腐膶咁細」，「我可以好肯定咁答你，唔會去港島、油尖旺、觀塘」，佢形容自己「做嘢好focus」，本身選新東，再選都離唔開附近；又認為自己付出咗好多努力，例如搶先打新冠疫苗。
更多港聞
【Emily】秦石街市變古廟風開幕 小食街開到午夜
【明報專訊】位於大圍嘅「秦石街市」，經過超過4個月翻新活化工程後，以中式古廟風貌重新開幕。街市鄰近車公廟，設計團隊參考傳統廟宇嘅建築元素，包... 詳情
【明報專訊】打疫苗又有機會得獎。經民聯噚日話，為響應政府鼓勵接種疫苗，推出「經民聯賞好戲疫苗獎勵計劃」，會送出1.5萬張MCL院線嘅2D電影...
詳情
【Emily】前政助黎穎瑜主持港台節目 山寨式星洲錄音
【明報專訊】民政事務局長前政治助理黎穎瑜（Jade，圖）舉家移民新加坡，佢全職照顧兒子，亦有接唔同嘅project，例如擔任香港電台《夢想號... 詳情相關新聞
