【Emily】律師會參選人撐平權：有議員老套
[2021.07.22] 發表
【明報專訊】律師會理事8月24日改選，被視為「專業派」嘅5個律師噚日宣布參選，參選人之一陳國豪(Jimmy)講述政綱時，認為律師會應該致力減少年齡、性取向等歧視問題，爭取平權，「我個人覺得律師會呢方面比較保守，冇乜點promote(宣傳)有關平權、同志權益嘅活動……有啲議員律師講嘅言論，呢個係佢個人自由，不過我唔同意、絕對唔同意，(想法)比較老套」。
5「專業派」參選人亮相
宣布參選嘅律師除咗Jimmy外，仲有黃巧欣、傅嘉綿、袁凱英同岑君毅。Jimmy話當選後，希望喺律師會內推動平權，為少數族裔、同志等弱勢團體發聲。建制派議員、律師會前會長何君堯早前批評ViuTV劇集《大叔的愛》涉嫌違反中國國安法；Jimmy回應話唔同意說法，又指身邊有唔少朋友都係LGBT(性小眾)。
袁凱英係現任廣西防城港市政協委員，被問會否因而將政治帶入律師會，佢話會與理事一職分開，「政協嘅功能比較係榮譽性」，日常只係向內地當局提意見。另外，傅嘉綿、袁凱英、Jimmy、岑君毅都話，因工作需要有同中聯辦接觸，但無獲得任何支持或指引出選；黃巧欣就話會接觸社會不同持份者。
早前宣布參選嘅SM & Co Solicitors創辦人馬秀雯(Selma Masood)發聲明，歡迎有其他律師加入參選，又表明自己無政治派別，唔係政協委員，亦無同中聯辦接觸。
更多港聞
【Emily】為睇MIRROR 街坊叫前議員幫手排隊
【明報專訊】ViuTV男團MIRROR、ERROR人氣爆燈，有傳佢哋聽日（周五）會現身屯門市廣場為東京奧運造勢。屯門前區議員、民主黨盧俊宇（... 詳情
【Emily】徐英偉著運動裝 立會議規管唔到？
【明報專訊】立法會早前修訂《議事規則》，引入衣著規定，議員出席立法會大會時只可穿商務衣飾，例如唔可以穿有標誌、口號嘅衣物，運動裝都唔合適。民... 詳情
【Emily】律政司：《律政動畫廊》最高逾6000點擊 最近上載一集 觀看次數8
【明報專訊】律政司為加強公眾對法治嘅理解，推出一系列措施，例如《律政動畫廊》、線上研討會等，律政司噚日喺回覆立法會司法及法律事務委員會嘅信中... 詳情
【明報專訊】立法會選舉將於12月舉行，政務司長李家超噚日去信立法會主席梁君彥，話特首林鄭月娥行使《立法會條例》賦予嘅權力，指明今年10月30...
詳情
相關新聞
