【Emily】已任15年 陳智思唔選人代 陳仲尼黃英豪等多人今報名
[2022.11.28] 發表
【明報專訊】港區全國人大代表選舉提名期展開，現屆人代、行政會議前召集人陳智思噚日宣布唔會尋求連任。佢話已經擔任人代15年，時間好足夠，係時候讓位畀其他人參與。對於有報道指前特首林鄭月娥或接任全國人大常委，佢認為任何人有意出任人代，亦要先爭取選舉會議成員投票支持。
今屆港區人代選舉下月15日舉行，已經擔任3屆人代嘅陳智思將退下火線，佢話過去15年喺人大嘅工作意義重大，令佢更加認識國家，係時候畀其他人代表香港於國家層面發聲。對於林鄭月娥或任人大常委嘅傳聞，佢話無就人大選舉同林太溝通。
港區人代選舉提名期星期三(30日)結束，多人今日會報名參選，包括由政協「轉跑道」出戰人大嘅民建聯立法會議員陳仲尼同黃英豪，同埋爭取連任嘅該黨立法會議員、新社聯理事長陳勇。東華三院前主席、律師文頴怡亦宣布今日報名參選，佢本身係香港廣西社團總會會長同選委會成員。早前已宣布參選嘅工聯會會長吳秋北、副會長謝愛紅亦會於今日報名。
更多港聞
【Emily】感激老婆當年「救急扶危」做partner 曾俊華情定1969感恩節晚宴
【明報專訊】日前係美國傳統節日感恩節，前財政司長曾俊華就喺facebook曬恩愛，回憶53年前喺美國留學度過感恩節時，結識太太黃蓮華（Lyn... 詳情
女拔招聘校長 目標後年到任 現任校長劉靳麗娟女拔舊生 憶求學自由時光
【明報專訊】傳統名校拔萃女書院招聘校長，2024年9月1日或以前到任。現任校長劉靳麗娟（圖）1990年返母校拔萃女書院教書，1999年擔任校... 詳情
公民點對點：施政報告：擬設基層醫療局 統籌公私營服務
【明報專訊】《施政報告》提出2024年成立「基層醫療健康管理局」，統籌管理公私營基層醫療服務，制定標準和設立質素保證機制，並推廣「一人一家庭... 詳情相關新聞
