【Emily】科大終於有校歌 「清水一灣 修養內涵~~」
[2023.04.01] 發表
【明報專訊】科大今年創校30年，終於有校歌。科大噚日喺清水灣校園舉辦「Timeout HKUST」活動，仲正式發布新校歌同校歌MV。校歌歌名簡單，就係叫《香港科技大學校歌》，校歌同一旋律，有英文、粵語及普通話版。睇番3個版本，共通點都突出科大標記嘅「火鳥」標記。英文版第一句已寫「Red bird standing /guard beneath the rising sun」；粵語版第二段係「紅鳥坐看/香港廣州/與時並進/精英」；普通話版首句就係「朝陽升/紅鳥日晷/輝映學宮」。
英粵普3版本 都有「火鳥」
科大話，校歌誕生體現咗校內外才俊嘅共同協作。校方舊年徵集校歌創作，校方其後向科大校歌工作小組提交咗45份作品，最終選出科大經濟學系兼港科大(廣州)城市治理與設計學域助理教授袁卓爾創作嘅樂譜作為校歌旋律。歌詞方面，由即將入讀科大研究生課程嘅賈憲章創作普通話版，英語同廣東話版則由大學歌詞小組合作撰寫，再交畀科大校友兼音樂人徐協倫編曲同錄音。
更多港聞
【Emily】「議員電梯」擴建停用 立會貼指示牌鼓勵行樓梯
【明報專訊】立法會做緊擴建工程，其中3部俗稱「議員電梯」嘅𨋢聽日開始停用至11月，以擴建成4部𨋢，並加建到14樓，議員如果想由5樓至8樓... 詳情
【明報專訊】大灣區共同家園青年公益基金及德天社會企業聯合推出「藝術欣賞體驗計劃」，培養學生對欣賞及參與藝術創作嘅興趣。多個本地藝團今年6、7...
詳情
相關新聞
