【Emily】發稿駁聯國 議員批行禮如儀 黎棟國叫政府攝高枕頭 促開記招還擊
[2023.04.26] 發表
【明報專訊】聯合國經濟、社會和文化權利委員會早前呼籲港府檢討《港區國安法》，多個議員噚日喺立法會政制事務委員會強烈不滿審議結論，亦關注政府除咗出新聞稿之外，仲有無更多嘢可以做。保安局前局長、新民黨黎棟國(小圖)就反問，政府有無開記者會及邀請外國傳媒解釋，「點解無出嚟面對記者，講清楚事實真相？」甚至好似國家外交部發言人咁，定時定候見記者呢？佢呼籲政府「攝高枕頭」考慮點處理。政制事務委員會主席、民建聯周浩鼎都贊成建議，話出新聞稿唔夠。
議員鄧飛就慨嘆，每次聯合國轄下委員會審議報告得出偏頗結論，政府之後都出新聞稿，好似行禮如儀咁，問政府會唔會考慮邀請對方來港實地考察。經民聯梁美芬就建議好似2019年反修例時搞「四點鐘」記者會，同喺外國報紙登廣告。
政制局：會考慮議員建議
政制局副局長胡健民回應話，對外回應係一場持久戰，會考慮議員嘅建議，下次有同類聯合國機制報告，會配合國家策略喺聯合國會議上同用文宣回應。至於來港考察，佢話因為聯合國人權事務高級專員2005年有份指引，唔建議聯合國專家去探訪，擔心可能影響審議結果，所以就無特別邀請聯合國專家來港。
更多港聞
【Emily】工聯會啟75周年慶祝活動 未提遊行
【明報專訊】工聯會噚日舉辦「慶祝工聯會成立75周年暨服務市民走在前」系列行動啟動禮。好多人關注工聯會今年會唔會「復常」，喺「五一」舉辦勞動節... 詳情
【明報專訊】特首政策組舊年底成立，旨在提升政府對長遠同策略議題嘅研究同倡議能力。政策組繼早前招聘研究員後，近日又招聘專責國際關係範疇嘅研究主...
詳情
【明報專訊】中大香港亞太研究所上個月打電話訪問717人，調查結果顯示唔少人對於青年向上流動嘅睇法比上年正面，其中有48.5%受訪者覺得，本港...
詳情
【Emily】國際反貪局秘書處今開幕 多國代表來港
【明報專訊】廉政公署噚日喺facebook話，多個海外反貪機構代表前日起一連兩日齊集香港，參加今日舉辦嘅國際反貪局聯合會秘書處辦公室開幕禮。... 詳情相關新聞
