【Emily】星總領事館邀鄧炳強商界食飯
[2024.03.20] 發表
【明報專訊】保安局長鄧炳強近排忙於《基本法》23條立法，不過都要食飯見人嘅。新加坡駐港總領事館上載圖片，顯示鄧炳強近日率領副局長卓孝業、常秘李百全等一行人，同新加坡駐港總領事王首毅及幾個商界人士食晚飯，同場包括嚟自新加坡嘅匯控香港行政總裁林慧虹、華僑永亨銀行行政總裁王克、嘉里控股副主席李鏞新、新加坡商會主席傅光燊。
王首毅話感謝鄧炳強同保安局團隊百忙中抽空共晉晚餐，又話鄧喺席間分享咗對香港眼前挑戰嘅睇法，同對未來商機嘅信心，祝願佢哋工作一切順利，將來可以有更多同類嘅交流。
更多港聞
中學生探訪長者聽口述歷史 製作模型 微縮深水埗 說社區故事
【明報專訊】高低錯落的戰前唐樓、懸掛半空的各式招牌、密密麻麻的臨街攤檔，構建出深水埗獨特的社區面貌。市建局伙藝術團體，帶領約40名中學生創作... 詳情
相關新聞
