【Emily】盛傳江旻憓加入 馬會：唔評論 消息：奧運國家隊代表月底訪港
[2024.08.06] 發表
【明報專訊】巴黎奧運女子重劍個人賽金牌得主江旻憓前日宣布「告別全職劍擊運動員生涯」，期待有新職業發展「回饋香港」，各方都好想知道「劍后」去向。Emily收到風，話熱心公益嘅江旻憓盛傳會加入馬會，負責與對外事務有關崗位，參與社區及公益有關事務。Emily就此向馬會求證，馬會噚日回覆就話唔會評論傳聞喇。
江旻憓前日喺Instagram宣布，完成佢第三次奧運之旅後，決定休息一下，告別全職劍擊運動員生涯，期待有新職業發展，等佢可以學習及成長，裝備自己，回饋香港，同時累積經驗，為設立佢嘅慈善基金做好準備，讓小朋友重拾運動樂趣。
江周六任青年論壇嘉賓
江旻憓呢兩日無現身，根據民青局facebook嘅活動資料，政府喺周六(10日)舉辦「青年發展高峰論壇」，屆時江旻憓會任演講嘉賓，唔知到時佢哋會唔會回應吓呢？峰會有馬會支持，馬會公司事務執行總監譚志源亦會同場出現。
另外，按照以往做法，奧運之後中國國家隊獎牌運動員都會應邀訪港，Emily收到風，國家隊代表將於本月底訪港，據悉屆時佢哋除咗會出席招待宴會及參觀活動，當然唔少得有獎牌運動員獻技，以及同港人交流嘅環節。
更多港聞
【Emily】灣仔海濱豎50仿古電街燈 最舊款1890年
【明報專訊】大家夜晚行路未必會抬頭留意街燈設計，港燈近日喺灣仔海濱長廊重置50支歷代不同設計嘅電街燈，共有8款，最早一款早於1890年使用。... 詳情
【Emily】「頂尖運動員入學計劃」 港大醫學院特別取錄一人
【明報專訊】港大醫學院噚日宣布，今年取錄咗24名經「學校推薦直接錄取計劃 」嘅應屆文憑試學生，包括港青壁球運動員、拔萃男書院學生李天行，佢中... 詳情
【明報專訊】各大專院校暑假會陸續舉辦迎新活動，而過往都有過懷疑涉及性騷擾事件喺迎新活動發生。平機會噚日舉辦聯校探討校園性騷擾工作坊，與來自8...
詳情
【Emily】華潤為100學生提供短期工作體驗
【明報專訊】華潤集團第四年舉辦「『青雲啟夢』香港青少年職業體驗活動」，今年華潤旗下Pacific Coffee、city'super、五豐行... 詳情相關新聞
