【Emily】城巴伙特殊校 仿真車廂教搭車
[2024.09.04] 發表
【明報專訊】城巴最近與視障兼智障特殊學校「心光恩望學校」合作，共同設計及打造首個「無障礙巴士教室」，畀學生喺模仿實際巴士車廂嘅環境中接受訓練。巴士教室由本地藝術家何文蕙(阿包)創作牆身壁畫，設計具香港特色嘅窗外風景，仲搵埋患有嚴重低視力嘅同學一齊創作。
為咗今次項目，城巴向學校捐出主要配件，例如座椅、連貫扶手、點字告示牌等，模擬日常坐巴士過程，包括上車、行入車廂、撳鐘落車等，加埋車窗外風景，就可以按真實比例還原每日坐巴士嘅環境。心光恩望學校助理校長李春樂話感謝城巴畀全校約70個學生能夠喺安全及熟悉嘅環境下，重複訓練搭巴士。
城巴話巴士教室係推動社區共融同無障礙出行體驗嘅重要一步，未來將持續同唔同機構合作推動類似項目。
更多港聞
【Emily】廉署開課講基建反貪 帶路21機構代表參與
【明報專訊】廉署周一（2日）起舉辦為期9日嘅專業課程，向來自全球多地嘅反貪機構代表，分享以創新科技提升建設大型基建嘅反貪能力；亦透過個案分析... 詳情
【Emily】推人才義工 孫玉菡：助港漂交友融入
【明報專訊】香港人才服務辦公室噚日舉行人才義工計劃啓動禮，勞福局長孫玉菡話呢個計劃嘅目的係希望來港專才貢獻社會，亦可以結交本地朋友，融入社會... 詳情
【明報專訊】不論天氣陰晴，五旬節聖潔會永光小學總有道彩虹，從地面操場貫穿至6樓的高小課室，為學校添生氣。校長洪慕竹說，彩虹階梯寓意每名學生的...
詳情
相關新聞
