【Emily】中大傳訊「揸fit人」 張宏艷下月離任
[2025.08.19] 發表
【明報專訊】資深傳媒人張宏艷(圓圖)將離任中大傳訊及公共關係處長。據Emily了解，中大公關處內部事前唔知佢離職，中大回覆查詢話同佢「就其服務任期達成共識」，下月15日離任，現正休假。張宏艷就同Emily講，佢同中大合約期滿，「目前是交接的合適時機」。
張宏艷2017年加入中大，佢同Emily話，感謝同事過去8年齊心協力為中大貢獻，仲話與唔同崗位同事建立嘅友誼係一生受用嘅禮物。
張宏艷1993年喺中大新聞系畢業，擔任新聞主播多年，2017年返回母校任職傳訊及公共關係處，中大唔少重要事件都見到佢嘅身影，包括2019年反修例運動中大「二號橋」嘅激烈衝突，張宏艷都有到前線嘗試調停。
更多港聞
【明報專訊】近月出現多場暴雨，工聯職安健協會調查發現，超過六成受訪僱員喺8號或以上風球、黑雨警告或者極端情况生效期間仍要返工，當中約一半人唔...
詳情
【Emily】城寨展迎第100,000名觀眾 四仔現身送禮
【明報專訊】電影《九龍城寨之圍城》紅遍全球，開幕唔夠3個月嘅「九龍城寨光影之旅」電影場景展噚日迎接第10萬名參觀者，喺電影飾演「四仔」嘅張文... 詳情
【Emily】遵理老細話科大奪醫學院 政府闢謠
【明報專訊】科大、浸大同理大正爭取籌辦香港第三間醫學院，結果預計今年內公布。籌備之際，網上近日流傳遵理喺「小紅書」發短片，創辦人梁賀琪（Ju... 詳情相關新聞
