再有9示威者成功踢保

[2014.08.02] 發表

【明報專訊】喺七一遊行後發動「佔中預演」，當中有25個示威者被拘捕，繼前日部分人已經「踢保」，噚日再有9人去中區警署報到，包括街工立法會議員梁耀忠、社民連黃浩銘、工黨鄭司律、民主黨區諾軒等，向警方表明拒絕繼續保釋。學聯引述警方話，案件仍然調查緊，會無條件釋放佢哋先，但保留起訴權利。

楊政賢：警拒發還手機

另外，七一遊行後被捕嘅5個民陣成員，包括遊行司儀、領頭車司機等，噚日下晝去咗灣仔警察總部報到續保，佢哋9月26日要再去灣仔警署報到。民陣召集人楊政賢批評，警方到𠵱家仍然唔肯發還扣留咗嘅手機。

更多港聞

【明報專訊】「香港培青社」喺facebook嘅專頁，近日因為評論學民思潮黃之鋒嘅戀情而備受關注，培青社前晚深夜回覆Emily嘅查詢，佢話主席... 詳情