【明報專訊】參加政治運動嘅後生仔愈嚟愈多，一路主要講經濟嘅財爺曾俊華，噚日喺網誌就講吓咩叫做「青春無悔」。佢話有啲大學同學讀書時熱中參加學運，點知畢業做咗銀行家，絕迹街頭運動，多年後又發現有啲當年嘅「乖學生」事業有成，反而慢慢開始關心政治同社會事務。 佢話有人會視為「現實」與「理想」對立，佢就認為理想同現實好多時唔係簡單二元對立，追尋理想仍然要兼顧現實，而現實生活亦並非容不下對理想嘅堅持，如果堅持對立、批評另一方，大部分情况都係「為拗而拗」。 財爺又寄語年輕人要放開懷抱認識世界，勇於嘗試不同事物，如果太早就將話說死，甚至不惜將自己推向死角，就浪費領略人生不同風景嘅珍貴機會。唔知財爺呢番話，係咪講畀一班參加學運嘅學生聽呢？
|
| |
| |
;)
