【明報專訊】挑戰者可捐款ALS

近排美國好興「一桶冰水照頭淋」——為�鰴穈_社會對肌萎縮性脊髓側索硬化症(ALS)�屪鰝`，美國多個富豪同名人近日大玩「冰桶挑戰」(Ice Bucket Challenge)，你可以選擇淋冰水，或者捐錢畀ALS基金會，淋完叫多3個人玩埋一份，政商界、演藝界同體育界名人都有參與，尤其科網界，好似微軟蓋茨、蘋果庫克同facebook朱克伯格等，係咁挑戰同業。而呢股熱潮已吹到中港台！

噚日李嘉誠基金會董事、維港投資(Horizons Venture)創辦人周凱旋就與同事去山頂玩埋一份，規則原本係淋�鬫B水就唔使捐錢，但佢�]兩樣都做，會捐錢畀相關肌健機構。

公民黨陳淑莊噚日都�鶷K馬公園完成挑戰，仲向歌手陳奕迅太太徐濠縈、立法會議員林大輝，同港視主席王維基「下戰書」，唔知3人會唔會接受挑戰？

至於內地，小米創辦人雷軍，之前畀俄羅斯科網公司投資者、Digital Sky Technologies創辦人Yuri Milner點名，噚日佢做「找數真漢子」，�鬖P事見證下淋自己一桶冰水。之後，雷軍點名叫台灣鴻海董事長郭台銘、百度董事長李彥宏同埋港星劉德華加入。

雷軍挑戰劉德華

李彥宏已經話�鰼筐�挑戰，郭台銘就笑笑口同台灣傳媒講，叫大家今日拭目以待。其他內地科網大佬，呢兩日都陸續淋水，好似優酷創辦人古永鏘、奇虎360董事長周鴻褘等都有份。至於「雙馬」騰訊(0700)主席馬化騰同阿里巴巴執行主席馬雲，自然會畀人叫玩埋一份啦，但到噚晚都未見「雙馬」有咩回應。

「冰桶挑戰」參加者先要自拍上網證明自己夠膽玩，玩完可以向身邊人「挑機」，自7月底興起後，不足一個月已熱爆全美，連總統奧巴馬都收到挑戰。