添馬藝術品 展後「粗暴夾走」
[2014.11.18] 發表
【明報專訊】金鐘添馬公園有唔少藝術裝置，早前康文署舉辦「藝綻公園2014」，亦喺公園擺咗唔少藝術品，開幕時康文署長馮程淑儀親自主持，當時仲話展品將藝術融入生活中。但隨着展期完結，噚日就有垃圾車將一件熊仔造型嘅藝術品「粗暴」夾走，人民力量立法會議員陳偉業影到有關情况，佢批評點解香港人嘅藝術品，展覽完畢被當廢物處理，形容呢個行為對藝術同港人都係侮辱。
Emily噚日問過康文署，發言人回覆話，原本展期8月完結，藝術品由本地大專院校設計系學生創作，其中4件藝術品擺放到噚日，有關院校自行決定處理方法，並將藝術品運走。即係話，夾走藝術品嘅唔係政府部門，而係創作該藝術品嘅院校。
更多港聞
【明報專訊】學聯秘書長周永康（Alex）同常委羅冠聰（聰聰）噚日上商台節目《在晴朗的一天出發》，主持人陳志雲發現周永康無撐黃傘，改撐黑傘「撐...
詳情
相關新聞
