象哥投票出神棍

[2015.01.10] 發表

【明報專訊】民建聯立法會議員黃定光(象哥)噚日喺立法會同大家介紹佢個新發明「撳掣神棍」。話說象哥食飯時靈機一觸，唔想浪費一對竹筷子，所以忽發奇想製作「撳掣神棍」，投票嗰時可以唔使俯前撳制，慳力啲咁話。

黨友提醒：小心撳錯掣

象哥對佢嘅新發明都幾滿意，不過，佢啲黨友就提醒，要小心手震會撳錯掣，建議佢不如用膠紙黐住個「反對掣」。金融界吳亮星(星爺)就笑住話「反對派有政棍，你有神棍」，Emily問星爺有無興趣整番支神棍用下，佢就話唔知象哥有無申請專利，費事侵權啦。

更多港聞

【明報專訊】佔領期間，大學嘅取態備受關注，港區人大代表、城大校董會主席胡曉明話，原來9月嗰陣，教育局長吳克儉曾經搵埋幾間大學嘅校董會主席見面... 詳情

【明報專訊】海洋公園嘅一對大熊貓盈盈同樂樂，過去多次嘅「造熊貓計劃」都唔成功，園方今年就有新搞作，決定擴大盈盈同樂樂嘅「交配圈」，安排佢哋加... 詳情