【明報專訊】民主黨單仲偕前議員助理未完成退黨手續，就過檔幫新民主同盟做嘢，引起一段「搶人」小風波，新同盟立法會議員范國威(Gary)噚日就帶埋兩個過檔加盟嘅地區主任湯子霈、許銳宇，一齊介紹佢哋喺2月1日民陣遊行派發嘅宣傳品，包括「倒狼」揮春。Gary噚日一副戰鬥格，講起土地議題仲一連暗批民主黨、工黨同公民黨3個政黨。 連批3政黨 近排唔少泛民政黨都話要加強本土政策論述，Gary呢頭話多人關注本土議題係好事，不過轉過頭就話工黨今年不滿《施政報告》「大陸化」而喺施政報告塗上紅色顏料，好似佢自己當年選舉嘅宣傳品；而公民黨話會講土地論述但就未有聲氣，佢仲話好想聽吓民主黨主席劉慧卿點講土地論述。 不過，有泛民人士私下講，范國威成日要以針對民主黨做話題，既然咁關心民主黨，不如返民主黨算啦，笑指一個議員成日諗點樣去踩住其他政黨，都唔知為乜嘢。
|
| |
| |
;){kind=small}
;)
