靚靚一聲 收服鬼馬魔童
母子溫馨行街買童裝
[2015.01.30] 發表
【明報專訊】袁詠儀(靚靚)最近與老公張智霖拍住上到內地做真人騷，袋數千萬元。不過搵錢之餘都要顧及與兒子家庭樂，所以靚靚昨日趁老公張智霖忙於出席活動，就帶同兒子張慕童(魔童)行街買童裝及故事書。魔童充滿父母的演戲細胞，非常生鬼，知道有記者在場拍照，雖然用外套帽笠頭，但整蠱做怪曬V字手勢，被母親責備一句﹕「無厘正經！」魔童即才乖乖坐好，被阿媽的威嚴鎮住。
剛滿8歲 充滿父母演戲細胞
靚靚與張智霖的兒子魔童剛8歲生日，除了遺傳了兩人的高䠷身形外，魔童亦充滿生鬼演戲細胞，近期靚靚與張智霖夫妻檔合作演出內地真人騷《一路上有你》，努力在內地掙人仔，更因此節目令兩人感情更進一步，他們返港很，靚靚即回歸母親責任，昨午在銅鑼灣商場以素顏示人，與兒子行街買衫、試鞋、睇故事書，同行尚有靚靚的母親，三代同堂家庭樂。
古靈精怪 笠頭兼做V字手勢
而魔童十分鬼馬，見到有記者在場拍照早已把外套帽笠頭，背住記者之餘，卻古靈精怪做很多V字手勢及動作，吸引記者注意拍照。之後靚靚和他試鞋時，他繼續郁來郁去，終於嚴母出口責備一句﹕「無厘正經！」活潑好動的魔童立即坐正，再往買圖書時依然鬼馬，表情多多，但因被阿媽鬧完，即不敢再有大動作。
採訪﹕孫華中
更多影視
藝人「閨蜜」逐個捉 舒淇林心如超級Hello Kitty迷
【明報專訊】（大姐大手記）你有無「童年閨蜜」？即在童年時有否愛過什麼卡通人物？每個年代都有不同的卡通人物出現，伴隨我們度過童年，有些可以流行... 詳情
相關新聞
