【明報專訊】麥瑞琼擁有一頭「實幹型」清爽短髮，幾乎是她的標誌。原來這髮型已維持逾20年，由同一髮型師打理。她說年輕時追過潮流鬢辮，又試過「電攣毛」，結果還是對這頭以埃及妖后為靈感的短髮「一見鍾情」，「唔知幾時剪咗呢個頭，發覺好方便，起身洗頭吹兩下就搞掂」。她自覺適合短髮，也不太懂造型，「一籃子原因之下就落實咗個髮型」。難得髮型師不覺悶，「佢話你鍾意咪由得佢囉」。 短髮造型逾20年 除了髮型伴她廿載，菲傭Rose亦是她「背後的女人」，由1993年起，一直為她打理家頭細務。麥說自己「大頭蝦」，不時忘記有重要會議，急致電Rose「求救」，「話佢知去邊個櫃拎邊套衫、邊個手袋，佢每次都搵到，呢樣嘢冇得頂」。至於出差時「甩轆」，就要靠另一得力助手——秘書Stella「出手」。例如有次麥只帶了眼鏡盒，卻沒帶老花眼鏡，「夜晚喺酒店好麻煩」，幸有Stella立即幫她速遞，翌日便送到。麥瑞琼早已習慣自己的缺點，「唔需要太介意，否則會搞到個人好嬲」。 視3歲半愛犬「命根」 麥瑞琼視3歲半愛犬波波如「命根」，每個月都帶牠享受spa，連牠的玩具也精挑細選，例如毛公仔的眼睛、鈕扣等均是刺繡，避免牠吞下細小配件。養尊處優的波波是個「無時停」的小朋友，愛逗人玩，每到興奮時便大聲吠叫，麥笑言牠是「大聲婆」，「附近鄰居個個都知有隻好大聲嘅狗仔叫波波」。 訪問當天，麥想要抱起波波合照，波波卻在屋內橫衝直撞。看麥瑞琼追着波波跑的背影，鏡頭前硬朗形象消失不見，她卻是甘之如飴。數分鐘後終於抱起波波，麥笑得燦爛：「佢細個仲癲呀，跑得快，捉都捉唔住。」
|
| |
| |
;){kind=small}
;)
