【明報專訊】零售市道麻麻，2017年維園年宵攤位競投都無舊時咁激烈，暫時乾貨攤位競投價低過舊年，連支聯會年年志在必得嘅1、2號檔都降價一成多。 噚日輪到競投維園乾貨攤位同主題攤位，最高以7.2萬元成交，成為檔王，成交價係底價嘅5倍，但暫時低過去年嘅12萬元，最終仲有冇更高價嘅檔王，要視乎今日成交結果。 除咗賣年貨嘅商戶，部分政黨都照舊出手投檔，其中公民黨以7.15萬元投得檔位，而支聯會合共以5.16萬元投得1及2號檔，低過舊年嘅5.95萬元。 食環署話，乾貨攤位成交價由1.3萬元至7.2萬元不等，平均競投價係2.4萬元。8個主題攤位成交價由4.1萬元至6.9萬元不等。維園145號至300號年宵乾貨攤位，今日就繼續喺伊館競投。
|
| |
| |
;)
