【明報專訊】民建聯教育政策發言人、立法會議員張國鈞有兩個女，大女梓喬(6歲)最近要報讀小學，張國鈞大呼壓力好大，佢對好學校嘅定義唔係一定要名校，只係希望可以畀小朋友愉快學習。張國鈞話冇特別為梓喬報面試班訓練應對技巧，想個女做番呢個年紀小朋友應有嘅表現，唔好走去扮大人，而自己完全唔係一個怪獸家長。 張國鈞話幫個女報咗3間學校，第一間係港島名校，要求啲小朋友有特別技能，其他小朋友已經唔係喺面試時表演「琴棋書畫」咁簡單，仲表演埋魔術、跳繩。佢就冇訓練個女呢啲才能以求突圍而出，可能因為咁，梓喬參加首輪面試後就行人止步。面試第二間學校時，個女就唔舒服，張國鈞放棄咗面試機會。 最後一間學校，校長喺家長簡介日已經講明，唔要「被訓練」嘅小朋友，如果小朋友講嘢「太老積、太大人」反而會扣分，唔想催谷學生。張國鈞話好欣賞呢間學校嘅理念，希望個女可以入讀，有愉快嘅學習經歷！
|
| |
| |
;){kind=small}
;)
