【明報專訊】政府有新一輪人事任命，旅遊事務專員朱曼鈴(Cathy，左圖)將出任政府新聞處長，而現任政府新聞處長黃智祖(右圖)將任旅遊事務專員，兩人交換崗位，本月20日上任。 現處長黃智祖調任旅遊專員 Cathy向來與傳媒熟悉，點解？回歸初期，AO(政務主任)出身嘅Cathy曾出任政務司長嘅新聞秘書，當時佢阿頭就係曾蔭權。Cathy非常勤力㗎，每日要與不同記者打交道，深得上司重用，相信今時今日要做新聞處長難唔倒佢，而Emily聽聞新聞處嘅同事都嚴陣以待，因為大家都知道Cathy熟書，預咗要更勤力。目前特首林鄭月娥又未有請到新聞統籌專員(IC)，Cathy喺政府以至特首嘅公關策略會否更多參與，Emily會留意。 新聞處長要成日喺特首身邊工作，統籌政府宣傳策略，又要同新聞界打交道，而黃智祖(Joe)喺2016年7月先出任新聞處長，今次做咗短短一年多就調走，離開熱廚房，返去商經局做旅遊推廣工作。
|
| |
| |
;){kind=small}
;)
