【明報專訊】社企「全城街馬」去年11月嘅「Beer Run」最終喺衛生署等呼籲下，放棄向跑手提供酒精飲品。聽日係「全城街馬」另一活動「香港街馬@九龍」嘅大日子，大會前日公布今年賽事以食為主題，為跑手提供一口鮑魚、一口牛柳粒、一口叉燒、魚蛋等地道美食，Emily見到衛生防護中心喺facebook出post，提供「馬拉松小貼士」，話邊跑邊食牛肉粒、鮑魚、叉燒飯、魚蛋影響運動表現，叫跑手「咪玩啦」，又提到「呢啲高脂肪高蛋白質嘅食物，會令供應肌肉嘅血液相對減少」，呼籲跑手要「認真跑」，截至噚晚個post出咗20小時，有59個嬲、37個讚好及27個哈哈。 唔知街馬係咪睇到衛署個post，「香港街馬@九龍」噚日下午又出咗篇「街馬精讀15項」，包括提醒跑手唔好空肚食早餐，因為補給站嘅美食唔夠飽肚，同埋唔好邊跑邊食，以免鯁親或被其他跑手撞親，應該食埋先再起步。 網民批衛署針對﹕地球好危險 有網民留言話衛署「針對」；有人話如「玩認真」，明天賽事跟本無全馬，唔算「馬拉松」；亦有人留言「地球好危險，以後返火星跑步啦」，提到法國有波爾多紅酒馬拉松，日本有馬拉松提供特色嘢食云云。
|
| |
| |
;){kind=small}
;)
