【Emily】銀髮族罷買 頭炮逛新城巿
[2019.08.23] 發表
【明報專訊】反修例風暴出現各式各樣抗議行動，橫跨不同年齡、專業。上月有數以千計銀髮族靜默遊行，佢哋今日起又再發起行動，響應罷買行動「Bye Buy Day」。
fb專頁「銀髮族老而不廢」公布，希望透過逢星期五同星期日「罷買」，令商家、政權分別因利潤受損同經濟停滯不前面對壓力，促使商家督促政府回應市民嘅訴求。
自備糧水櫈仔毛巾藥油
行動第一站就係「銀髮族夏日消暑商場巡演」，呼籲銀髮族今日一齊去到沙田新城市廣場「窗櫥游走 攰就唞唞」，由中午12點至黃昏6點，每逢正點就游走各層，而守則係不作任何消費，不堵塞商舖，自備充足糧水、櫈仔、毛巾、藥油，仲提醒戰友唔好帶信用卡同其他扣帳卡，亦唔好接受任何物資捐獻，全程be water。唔少網民都留言多謝一班銀髮族。
更多港聞
相關新聞
